Netanjahu nuk tërhiqet nga sulmi në Rafah
Friday, 16 February 2024 00:14
Kryeministri izraelit, Benjamin Netanjahu vendos të mos dëgjojë thirrjet e Shteteve të Bashkuara dhe aleatëve të tjerë. Në një videomesazh, Netanjahu urdhëroi ushtrinë të përgatitet për të nisur sulmin tokësor në Rafah, të vetmin qytet të madh të Rripit të Gazës të mbetur në duart e Hamasit. “Hamasi duhet të spastrohet nga Rripi i Gazës. Do të luftojmë deri në fitore të plotë dhe kjo përfshin një ndërhyrje të plotë në Rafah, pasi të lejojmë largimin e popullsisë civile nga zona e betejës.“
