Sh.përthimi i l.uftës së madhe/ A do e s.ulmojë Kina, Tajvanin në 2025-ën?
Ishte stërvitja më e madhe ushtarake kineze rreth Tajvanit në dekada. Në dhjetor, rreth 100 anije dhe dhjetëra avionë luftarakë rrethuan arkipelagun demokratik. Pekini po tregon gjithnjë e më shumë muskujt e tij. Kjo gjë po shkakton shqetësim në Perëndim.
Agjencitë e inteligjencës amerikane kishin supozuar më parë se Pekini ndoshta nuk do të sulmonte arkipelagun deri në vitin 2027. “Atëherë do të jetë njëqindvjetori i themelimit të Ushtrisë Çlirimtare Popullore Kineze”, shpjegon eksperti dhe autori i Kinës, Adrian Geiges në BILD.
Një fëmijë 8-vjeçar është v.iktima e parë për vitin 2025 e gj.enocidit i.zraelit në Gaza
Ushtria izraelite vret djalin palestinez Adam Farhallah së bashku me Khuloud Abu Daher, 27 vjeç, në orët e vona të Vitit të Ri, thonë raportet. Një pamje tronditëse e shpërndarë në X nga aktivistët lokalë tregon një adoleshent palestinez pranë kufomës së Farhallah, duke mbajtur këmbën e prerë të fëmijës. / Foto: X/@gazanotice
Ushtria pushtuese izraelite ka vrarë dy palestinezë në Gazën e rrethuar, duke përfshirë një djalë 8-vjeçar, në orët e para të vitit 2025, pjesë e gjenocidit më të gjerë të Tel Avivit në enklavë që nga tetori 2023.
Raportet thonë se ushtria izraelite bombardoi shtëpinë e familjes Abu Dhaher në kampin Bureij gjatë orëve të para të së mërkurës, duke vrarë tetë-vjeçarin Adam Farhallah, i cili u bë civili i parë palestinez, si dhe fëmija i parë i vrarë nga Izraeli në Gaza në 2025.
Azerbajxhani thotë se Rusia po tenton “të fshehë” shkakun e rrëzimit të avionit
Presidenti i Azerbajxhanit, Ilham Aliyev, e ka akuzuar Rusinë se po tenton të fshehë shkakun e rrëzimit vdekjeprurës të avionit gjatë kësaj jave, duke i bërë thirrje Moskës që ta pranojë përgjegjësinë. Avioni me pasagjerë i Azerbaijan Airlines po fluturonte nga Bakuja e Azerbajxhanit drejt Groznit në Rusi më 25 dhjetor, kur ndryshoi rrugën dhe u rrëzua në Kazakistan, duke lënë të vrarë 38 nga 67 personat që ishin në bord. Ka pasur prova të shumta se avioni u godit nga një raketë e mbrojtjes ajrore ruse në Çeçeni, para se të rrëzohej pranë qytetit Aktau në perëndim të Kazakistanit.
Lideri i ri i Sirisë zotohet se do të bllokojë operacionet e t.erroristëve PKK/YPG
Ahmed al-Sharaa, lideri i administratës së re të Sirisë, është zotuar se qeveria e tij do të parandalojë grupin terrorist PKK/YPG që të përdorë Sirinë si bazë operacionesh, transmeton Anadolu. Duke folur për televizionin Saudi Al-Arabiya/Al-Hadath, al-Sharaa shpalosi vizionin e tij për të ardhmen e Sirisë, duke theksuar planet për reformat kushtetuese dhe zgjedhjet e ardhshme.
Duke theksuar se kurdët janë pjesë integrale e Sirisë, al-Sharaa tha se administrata e tij nuk do të lejojë që vendi të shërbejë si bazë për terroristët e PKK/YPG-së, si dhe përsëriti se Siria duhet të mbetet e bashkuar.
Siri, kreu i milicisë Shabiha që l.uftonte për Asadin v.ritet në p.ërleshjet në Homs
Shuja al-Ali, një ish-zyrtar i rangut të lartë në regjimin e Asadit dhe udhëheqës famëkeq i milicisë Shabiha, u vra në luftimet me forcat e sigurisë në provincën Homs në Sirinë perëndimore, raporton Anadolu.
I njohur për përfshirjen e tij në sulme brutale dhe vrasje masive, Ali vdiq në një përleshje midis besnikëve të regjimit dhe forcave siriane të sigurisë, përleshje e cila gjithashtu rezultoi me viktima nga të dyja palët.