Anadolu filmon rrjetin e tuneleve të PKK/YPG-së në Tel Rifat të Sirisë, pas largimit të këtyre të fundit
Rrjeti i tuneleve i gërmuar nga terroristët u zbulua nën Spitalin Kirurgjik në rrethin Tel Rifat, i cili ishte nën pushtimin e organizatës terroriste PKK/YPG u çlirua nga Ushtria Kombëtare Siriane (SNA) në kuadër të operacionit të nisur "Agimi i Lirisë", raporton Anadolu. Forcat e SNA-së, të cilat çliruan qendrën e qarkut Tel Rifat nga terrorizmi në kuadër të operacionit "Agimi i Lirisë", të nisur kundër organizatës terroriste PKK/YPG, vazhdojnë aktivitetet e tyre të kërkimit në qendrën e qarkut.
SNA, e cila është mobilizuar për të siguruar që civilët në qytet të kthehen të sigurt në shtëpitë e tyre, vazhdon të pastrojë minat dhe kurthet e lëna pas nga terroristët. Elementët e SNA-së në Spitalin Kirurgjik 3-katësh Tel Rifat zbuluan rrjetin e tunelit të gërmuar nën qendrën shëndetësore.
