Piktura e bërë nga roboti bën surprizën në ankand, shitet për 1.3 milionë dollarë
Sunday, 10 November 2024 20:34
“Artisti i parë robot ultrarealist në botë” ka shitur një portret të Alan Turing, pionierit të kodeve të shkencës moderne kompjuterike, për mbi 1 milion dollarë. Shitja shënon veprën e parë të artit nga një robot humanoid që shitet në ankand (megjithëse, teknikisht, paratë do të shkojnë në xhepat e krijuesit njerëzor të robotit).
Piktura, e titulluar “A.I. God”, doli në ankand të enjten si pjesë e shitjes së artit dixhital të Sotheby’s në Nju Jork. E parashikuar të shitet vetëm një shumë nga 120,000 deri në 180,000 dollarë, vepra artistike shkoi te një blerës anonim për një shumë kolosale prej 1.3 milionë dollarësh.
