Irlanda do t’i bashkohet zyrtarisht çështjes së gjenocidit të Afrikës së Jugut kundër Izraelit pas miratimit të qeverisë dhe do t’i kërkojë gjykatës “të zgjerojë interpretimin e saj” të asaj që përbën gjenocid, tha sot ministri i Jashtëm i vendit, transmeton Anadolu. Irlanda do t’i bashkohet çështjes në Gjykatën Ndërkombëtare të Drejtësisë (GJND) në Hagë këtë muaj, tha Micheal Martin në një deklaratë. “Ka pasur një ndëshkim kolektiv të popullit palestinez nëpërmjet qëllimit dhe ndikimit të veprimeve ushtarake të Izraelit në Gaza, duke lënë 44.000 të vdekur dhe miliona civilë të zhvendosur”, tha Martin pas mbledhjes së kabinetit sot.