Hamasi: S’ka kuptim të vazhdojnë negociatat nën bllokadë, shfarosje dhe urie

Monday, 28 July 2025 14:04

• Written by /Mesazhi

Kryetari i Hamasit në Rripin e Gazës, Khalil al-Hayya, deklaroi të dielën se “nuk ka kuptim të vazhdojnë negociatat ndërkohë që populli ynë po përjeton bllokadë, shfarosje dhe uri”.Në një fjalim të publikuar në Telegram, ai bëri thirrje për mobilizim të përgjithshëm të popujve arabë dhe muslimanë drejt Palestinës, si dhe për rrethimin e ambasadave izraelite me qëllim thyerjen e bllokadës ndaj Gazës.

Al-Hayya u bëri apel vendeve arabe dhe islame që të ndërpresin çdo marrëdhënie politike, diplomatike dhe tregtare me Izraelin, si dhe të bojkotojnë ekonominë dhe turizmin izraelit.Ai theksoi se Hamasi ka treguar fleksibilitet në negociata për 22 muaj, por Izraeli është tërhequr nga raundi i fundit i bisedimeve me mbështetje të qartë amerikane, duke përdorur negociatat si mjet për të zvarritur kohën dhe për të ushtruar presion ndaj Gazës.Sipas tij, Izraeli vazhdon të përdorë ndihmat si “kurthe vdekjeje” dhe synon të krijojë një zonë tampon në Rafah për të shtyrë popullsinë drejt zhvendosjes jashtë Gazës, duke zbatuar një plan të rrezikshëm për spastrimin etnik të palestinezëve.Ai hodhi poshtë ndihmat ajrore të kufizuara si “skena propagandistike që nuk zëvendësojnë hyrjen e ndihmave në mënyrë të denjë përmes pikave kufitare”.

Read more ...

Ushtria e Koresë së Veriut po transformohet në Ukrainë, pse Seuli zgjedh të heshtë?

Friday, 25 July 2025 08:49

• Written by /Top Channel

Kur Koreja e Veriut lëshoi disa raketa balistike nga bregu i saj lindor në maj, reagimi i Koresë së Jugut ishte i menjëhershëm.

Brenda pak orësh, Seuli iu bashkua Uashingtonit dhe Tokios në dënimin e lëshimit si një “kërcënim serioz” për paqen dhe sigurinë rajonale.

Por vetëm disa javë më parë, kur një raketë KN-23 e Koresë së Veriut – e projektuar për të goditur objektiva në Korenë e Jugut – goditi një ndërtesë banimi në Kiev, duke vrarë 12 civilë, Seuli nuk reagoi.

Kjo heshtje përputhet me një model më të gjerë. Nuk pati asnjë reagim kur Rusia raportohet se vendosi një sistem raketash tokë-ajër për të mbrojtur Phenianin, as kur inteligjenca ukrainase zbuloi se instruktorë rusë po stërvitnin pilotë dronësh të Koresë së Veriut në territorin ukrainas – edhe pse Kim Jong-un shprehu “mbështetje të pakushtëzuar” për luftën e Moskës.

Interpretuesit qëndrojnë në skenë ndërsa udhëheqësi i Koresë së Veriut, Kim Jong-un, mbulon arkivolet me flamurin e vendit, në një ceremoni më 29 qershor 2025, në Pyongyang. Kjo ngjarje shënoi një homazh të rrallë publik për ushtarët koreano-veriorë të vrarë në Ukrainë.

Read more ...

Kuvendi i Maqedonisë së Veriut nuk voton rezolutën për krizën humanitare në Gaza

Friday, 25 July 2025 08:40

• Written by /TRT BALKAN

Nga 93 deputetë të regjistruar në sallën e Kuvendit, vetëm 16 kanë votuar pro rezolutës për ndihmë humanitare në Gaza, të propozuar nga deputetë të opozitës.

Kuvendi i Maqedonisë së Veriut dështoi sot në një votim që në rend dite të vendoset një rezolutë për Rripin e Gazës, e cila bën thirrje për lejimin e hyrjes së ndihmave humanitare në enklavën palestineze të shkatërruar nga sulmet izraelite.

Nga 93 deputetë të regjistruar në sallën e Kuvendit, vetëm 16 kanë votuar pro rezolutës për ndihmë humanitare në Gaza. Rezoluta u propozua nga deputetë të opozitës, ndërsa pro votuan edhe 5 deputetë të pushtetit.

Izraeli ka vrarë më shumë se 59.200 palestinezë në Rripin e Gazës që nga tetori i vitit 2023, shumica prej tyre gra dhe fëmijë. Fushata ushtarake e ka shkatërruar enklavën, ka shembur sistemin shëndetësor dhe ka çuar në mungesa të mëdha ushqimore.

Aktualisht, Gaza po përballet me një uri ekstreme, ndërsa organizatat kryesore ndërkombëtare të të drejtave të njeriut apelojnë për veprime urgjente për të mundësuar hyrjen e furnizimeve themelore për banorët e rajonit.

Brazili do t'i bashkohet zyrtarisht çështjes së gjenocidit në GJND kundër Izraelit

Thursday, 24 July 2025 14:01

• Written by /AA

Në një deklaratë, qeveria braziliane shprehu "indinjatë të thellë për episodet e përsëritura të dhunës kundër popullsisë civile në Shtetin e Palestinës, jo të kufizuara në Rripin e Gazës, por që shtrihen edhe në Bregun Perëndimor"  Brazili njoftoi të mërkurën se është në "fazën përfundimtare" të bashkimit zyrtar me padinë për gjenocid të ngritur nga Afrika e Jugut kundër Izraelit para Gjykatës Ndërkombëtare të Drejtësisë (GJND). Në një deklaratë, qeveria braziliane shprehu "indinjatë të thellë për episodet e përsëritura të dhunës kundër popullsisë civile në Shtetin e Palestinës, jo të kufizuara në Rripin e Gazës, por që shtrihen edhe në Bregun Perëndimor".

Read more ...