1.700 milionerë u larguan nga Izraeli për shkak të luftës në Gaza

Wednesday, 09 April 2025 08:33

• Written by /TRT BALKAN

Të paktën 1.700 milionerë u larguan nga Izraeli vitin e kaluar për shkak të përkeqësimit të kushteve ekonomike pas luftës në Gaza, raportoi të martën media izraelite.

Shifrat e publikuara nga firma Henley & Partners, një lider global me bazë në Britani në fushën e shërbimeve të imigracionit, dhe nga New World Wealth, një firmë inteligjence të dhënash me bazë në Afrikën e Jugut, treguan se në vitin 2024 jetonin 22.600 milionerë në Tel Aviv dhe Herzliya në Izraelin qendror, nga 24.300 që kishte në vitin 2023.

“Kjo do të thotë që jo më pak se 1.700 milionerë janë larguar nga Izraeli gjatë vitit të kaluar,” tha Henley & Partners.

Ndërsa raporti nuk specifikon arsyet e largimit të tyre, raportime të mëparshme nga media izraelite kanë sugjeruar se shumë izraelitë janë larguar nga vendi pas luftës së Izraelit në Gaza dhe pasojave të saj në ekonomi dhe siguri.

Vitin e kaluar, agjencia globale e vlerësimeve Fitch e uli vlerësimin e kreditit të Izraelit nga A+ në A.

Trump: Irani në ‘rrezik të madh’ nëse bisedimet për armët bërthamore dështojnë

Tuesday, 08 April 2025 19:57

• Written by /Euronews.al

Donald Trump konfirmoi se një takim i “nivelit të lartë” mes SHBA-së dhe Iranit do të zhvillohet të shtunën.

Duke iu përgjigjur një pyetjeje të një gazetari, ai shtoi se Irani do të ishte në “rrezik të madh” nëse këto bisedime dështojnë.

“Unë mendoj se nëse bisedimet nuk janë të suksesshme me Iranin, mendoj se Irani do të jetë në rrezik të madh. Irani nuk mund të ketë një armë bërthamore dhe nëse bisedimet nuk janë të suksesshme, në fakt mendoj se do të jetë një ditë shumë e keqe për Iranin”.

E hëna e panikut! Rënia spektakolare e tregjeve të aksioneve, investitorët kanë frikë se bota gjendet para një kolapsi ekonomik

Tuesday, 08 April 2025 19:47

• Written by /DW Shqip

Ç'ndikim do të kenë tarifat doganore të Trumpit ndaj ekonomisë në SHBA, Kinë dhe botë?

Rënia në tregjet financiare botërore po vazhdon për shkak të tarifave dognoretë paprecedenta që vendosi Presidenti Donald Trump ndaj shumicës së partnerëve tregtarë të SHBA. Investitorët po bëhen gjithnjë e më nervozë, sepse në horizont po shfaqet gjithnjë e më qartë mundësia e një lufte të madhe tregtare, e cila ka të ngjarë të shkaktojë një recesion global.
Investitorët supozojnë se tarifat doganore do të kenë një ndikim të gjerë në rritjen ekonomike globale dhe se rritja e kostove të prodhimit do të rrisë inflacionin, do të shtojë pasiguritë e bizneseve dhe do të reduktojë investimet. Ekonomistët presin paqëndrueshmëri të mëtejshme në tregje dhe kanë frikë nga ndërprerjet në zinxhirët e furnizimit.

A është ekonomia botërore në rrezik recesioni?

Përfaqësuesit e bankës amerikane JP Morgan thanë javën e kaluar se besojnë se mundësia e një recesioni global deri në fund të vitit është 60 për qind, krahasuar me 40 për qind përpara se të shpalleshin tarifat doganore gjithëpërfshirëse të Trumpit.

Të hënën banka gjermane Deutsche Bank paralajmëroi në një analizë të shkurtër se nëse Trumpi vazhdon me politikat e tij tregtare, tarifat e reja do të kenë "ndikime të mëdha mbarëbotërore në vitin 2025 dhe vitet dhe dekadat në vijim".
Azia është goditur shumë më rëndë se Evropa, me tarifa doganore prej më shumë se 40 për qind për disa. Kjo rrit presionin ndaj vendeve si Vietnami, Tajvani dhe Indonezia për të negociuar marrëveshje të reja tregtare me Uashingtonin. Kina, të cilën Trump e goditi me tarifa shtesë prej 34 për qind, është e vetmja ekonomi e madhe që ka urdhëruar që vendosjen e tarifave doganore hakmarrëse për importet nga SHBA-ja.

Pekini të premten vendosi tarifa doganore shtesë prej 34 përqind për mallrat amerikane dhe vendosi kufizime eksporti për disa minerale të rralla që nevojiten urgjentisht për produktet e teknologjisë së lartë dhe pajisjet e energjisë së pastër. Këto tarifa hyjnë në fuqi të enjten (10.04).

BE-ja diskuton

Importet nga vendet e Bashkimit Evropian drejt SHBA-së kërcënohen nga tarifa të reja doganore prej 20 për qind, duke filluar nga e mërkura (09.04). Ministrat e Financave të BE-së u takuan të hënën në Luksemburg për të rënë dakord mbi një përgjigje të përbashkët.

Presidentja e Komisionit të BE-së, Ursula von der Leyen, tha se Brukseli ishte i gatshëm të "mbrojë interesat e tij me kundërmasa proporcionale". Por ajo sinjalizoi gjithashtu se BE-ja është e gatshme të negociojë me SHBA-në.

Raporti i SPAK/ Grupet kriminale shqiptare drejtojnë ose koordinojnë transportin e drogës nga Amerika Latine, si pastrohen paratë! Dy tipet e trafikut të emigrantëve

Tuesday, 08 April 2025 19:36

• Written by /Shqiptarja.com

Shqiptarët edhe në 2024-ën vijuan të jenë në majë të trafikimit të kokainës nga Amerika Latine në Evropë, me porosi direkt nga Dubai. Fitimet kolosale hyjnë në disa forma në sistem, ndërsa investohen në pasuri të paluajtshme. Grupet kriminale trafikojnë edhe njerëz, shqiptarë në Amerikë, Kanada e Britani të Madhe dhe të huaj për në Evropë, me skema të qarta.

Në tregjet ndërkombëtare të trafikimit të kokainës, vijuan të kenë rol shumë të rëndësishëm edhe shqiptarët, vitin e shkuar. Sipas raportit të SPAK, grupet shqiptare trafikun e kokainës dhe kanabisit vijojnë ta kenë në disa shtete të BE, Itali, Spanjë, Belgjikë, Holandë, Francë, Gjermani, Norvegji, Zvicër dhe Mbretëri të Bashkuar. Kokaina sigurohet në Amerikën Latine, porositur në sasi të konsiderueshme në Bolivi, Meksikë, Peru, Ekuador, dhe Paraguai.

Shqiptarë, anëtarë të grupeve kriminale, me banim në Amerikën Latine, janë në role drejtuese ose dytësore, ndjekin të gjithë procesin e transferimit të ngarkesës nga vendi i origjinës në destinacion. Këto dërgesa kalojnë në BE dhe Ballkanin Perëndimor, në portet italiane, spanjolle, holandeze, belge dhe greke, por edhe në Durrës dhe Tivar në Mal të Zi. Shumë prej eksponentëve kryesorë urdhërojnë dhe financojnë nga Dubai.

Fitimet e tyre kolosale arrijnë të hyjnë në treg si para të pastra, përmes disa monovrave. Një ndër tendencat e theksuara është përdorimi gjithnjë e më në rritje i kryerjes së pagesave të blerjes së kokainës me kriptovaluta.

Por si hynë paraja e pistë në sistem?

Skema fillon me përdorimin e parave në dorë, ose kriptovalutë, teknikë klasike për të shmangur kontrollin. Paratë hidhen në qarkullim përmes shoqërive tregtare të ngritura, të cilat funksionojnë si një mbulim ligjor në dukje, për aktivitetin e vërtetë kriminal. Për të shmangur vëmendjen e autoriteteve, grupet kriminale kanë përdorur një seri teknikash. Fillimisht, organizojnë kryerjen e një serie të shumtë veprimesh nëpërmjet bankave midis llogarive të shoqërisë dhe atyre personale, duke krijuar një mjegullnajë financiare që do të bënte të vështirë ndjekjen e origjinës së vërtetë të parave.

Përveç kësaj, përdoren fatura fiktive, ku shoqëritë tregtare lëshojnë dokumente të falsifikuara për të justifikuar transaksione që në realitet nuk kanë ndodhur kurrë. Pasi paratë e pastruara maskohen me sukses, investohen në pasuri të paluajtshme, apartamente, njësi tregtare, ullishte, pemëtore, shoqëri tregtare, automjete luksoze, automjete të blinduara, bizhuteri, flori, ora të markave të shtrenjta,kriptovaluta.