Deputetët francezë reagojnë ndaj vrasjes së një anëtari të MPJ-së franceze nga Izraeli

Monday, 18 December 2023 13:41

• Written by AA

Pasi Ministria e Punëve të Jashtme (MPJ) e Francës njoftoi për vrasjen e një punonjësi të saj si pasojë e sulmit të Izraelit ndaj një ndërtese më 13 dhjetor në qytetin jugor të Rripit të Gazës, Rafah, deputetët francezë i reaguan Izraelit ndërsa mediat franceze e mbuluan rastin vetëm nëpërmjet një njoftimi zyrtar,

Në njoftimin e djeshëm të MPJ-së, edhe pse u dënua shënjestrimi i një ndërtese ku jetojnë civilët, tërhoqi vëmendjen mospërmendja e anëtarit të MPJ-së franceze të vrarë nga Izraeli pas shënjestrimit të ndërtesave civile në kufirin Gaza-Egjipt, nga kryediplomatja franceze, Catherine Colonna në vizitën e saj në Tel Aviv, në konferencën e përbashkët për media me homologun e saj izraelit.

Ministria nuk e bëri të ditur emrin e anëtarit të MPJ-së të vrarë ndërsa "Le Figaro" raportoi se personi i vrarë në sulmin izraelit është palestinez me emrin "Ahmed Abou Shamla".

Deputetja e aleancës "NUPES", Elsa Faucillon, në postimin e saj në rrjetin social X, tha se Ahmed Abou Shamla ka punuar 23 vjet për MPJ-në franceze si dhe në Institutin Francez në Gaza.

Faucillon thekson se Franca nuk ka përfshirë 4 djemtë e anëtarit të MPJ-së në listën "e atyre që u është lejuar dalja nga Gaza" dhe se Abu Shamla për këtë arsye ka vendosur të qëndrojë me ta në Gaza.

- "Erdhi koha për grusht në tavolinë kundër Netanyahut"

Deputetja e Partisë Renaissance dhe zëvendëskryetarja e Komitetit Parlamentar për Punët e Jashtme, Mireille Clapot në postimin e saj në X, reagoi ndaj vrasjes së punonjësit të ministrisë. "Janë vrarë 18 mijë persona, dy të tretat e të cilëve gra dhe fëmijë, 3 pengje izraelite dhe një punonjës i MPJ-së franceze. Çfarë duhet që bota të ndalojë të mbështesë çmendurinë vrastare të Izraelit?", shkroi ajo.

Antoine Leaument, deputet i Partisë "Franca e Papërkulur" (LFI), shprehu solidaritetin e tij me familjen e punonjësit të ministrisë, duke thënë: "Erdhi koha për grusht në tavolinë kundër (Benjamin) Netanyahut".

Udhëheqësja e ekstremit të djathtë, Marine Le Pen shprehu "pikëllimin e thellë" të saj për vrasjen e punonjësit të ministrisë, duke shprehu solidaritetin e saj me familjen e tij.

Nga ana tjetër, mediat franceze, u mjaftuan vetëm me lajm nëpërmjet njoftimit të ministrisë.

MPJ e Francës më 13 dhjetor njoftoi se si pasojë e shënjestrimit të një ndërtese banimi nga Izraeli në qytetin jugor të Rripit të Gazës, Rafah, anëtari i MPJ-së franceze është plagosur rëndë kurse shumë të tjerë kanë humbur jetën.

Njoftimi bëri të ditur se personi në fjalë më pas i është nënshtruar plagëve, duke dënuar shënjestrimin e ndërtesës ku jetojnë civilët. Më tej u tha se Franca u ka kërkuar autoriteteve izraelite të sqarojnë sa më shpejt kushtet në të cilat është kryer bombardimi.

Burimi: AA

Izraeli ka arrestuar 4.575 palestinezë në Bregun Perëndimor dhe Kudsin Lindor që nga 7 tetori

Monday, 18 December 2023 13:28

• Written by AA

Numri i palestinezëve të arrestuar nga forcat izraelite në Bregun Perëndimor të pushtuar dhe Kudsin Lindor që nga 7 tetori është rritur në 4.575.

Shoqata e të Burgosurve Palestinezë dhe Komiteti për Çështjet e të Burgosurve Palestinezë i lidhur me Organizatën për Çlirimin e Palestinës bënë një deklaratë të përbashkët me shkrim për këtë çështje.

Në deklaratë thuhet se nga mbrëmë forcat izraelite kanë arrestuar 35 palestinezë të tjerë në Jericho, Betlehem, Tubas, Ramallah dhe Tulkarem, veçanërisht në Hebron dhe Kuds ndërsa në mesin e të arrestuarve ka dhe 3 gra.

Numri i palestinezëve të arrestuar nga forcat izraelite në Bregun Perëndimor të pushtuar dhe Kudsin Lindor që nga 7 tetori ka arritur në 4.575. Raportohet se të arrestuarit dhe të afërmit e tyre u janë nënshtruar rrahjeve dhe kërcënimeve ndërsa shtëpitë e tyre janë shkatërruar.

Forcat izraelite kohët e fundit kanë intensifikuar operacionet e tyre në terren dhe shumë palestinezë u arrestuan për qëllime hetimore dhe u liruan pas vuajtjeve dhe torturave.

Burimi: AA

Ushtria izraelite vret edhe një gazetar tjetër, rritet 95 numri i gazetarëve të vrarë që nga 7 tetori

Monday, 18 December 2023 13:23

• Written by AA

Qeveria në Rripin e Gazës njoftoi se edhe një tjetër gazetar palestinez u vra në bombardimet izraelite.

Në një deklaratë të bërë nga zyra për median e qeverisë në Gaza, konfirmohet se gazetarja Haneen Al Qashtan humbi jetën si pasojë e bombardimit nga ushtria izraelite të shtëpisë së familjes së saj në kampin e refugjatëve Nuseirat, në pjesën qendrore të Rripit të Gazës.

Në deklaratë bëhet e ditur se është rritur në 95 numri i gazetarëve që janë vrarë në sulmet e kryera nga Izraelit në Rripin e Gazës që nga 7 tetori e deri më tani.

Në një deklaratë të bërë më parë nga Zyra e Medias, u theksua se Izraeli i "vret gazetarët në Gaza në mënyrë të qëllimshme me synimin për të heshtur shpjegimin e Palestinës, për të fshehur të vërtetat dhe për të parandaluar që lajmet dhe informacionet të mbërrijnë tek opinioni rajonal dhe ndërkombëtar".

Burimi: AA

Ukrainë, deputeti shpërthen një bombë dore në seancën e këshillit vendor, 26 të plagosur

Friday, 15 December 2023 14:15

• Written by AA

Të paktën 26 persona u plagosën kur një deputet shpërtheu një granatë dore në mbledhjen e këshillit lokal në rajonin Zakarpattia të Ukrainës.

Sipas një deklarate të Ministrisë së Punëve të Brendshme të Ukrainës, deputeti shpërtheu një granatë dore në takimin e këshillit të fshatit Keretskovskiy në Zakarpattia.

Read more ...