Mazhoranca ka kundërshtuar nismën e deputetit demokrat Lefter Gështenja, e cila synonte që ditën e premte besimtarët myslimanë të kenë 2 orë pushim për faljen e namazit.
Gështenja kishte propozuar gjithashtu që punëdhënësi i cili kishte më shumë se 50 punonjës të besimit mysliman, do të duhet të ndërtonte ambient të posaçëm për faljen e tyre.
Në redaksinë e JOQ Albania ka mbërritur një denoncim për produktet e HAKO. Një qytetar i është drejtuar redaksisë sonë me një denoncim për sallamet HAKO. Qyteetari shkruan se para një jave ka blerë sallam HAKO në market dhe e ka hapur sot për ta servirur në tryezën familjare. Qytetari është përballur me sallam të përbërë me një masë të ngjashme me sythat e patates duke ngritur dyshime serioze mbi përbërësit dhe standardet e prodhimit.
Ky rast është një këmbanë alarmi për mungesën e kontrolleve të rregullta dhe të rrepta në produktet ushqimore që konsumojmë çdo ditë që ngrenë shqetësim të thellë për sigurinë ushqimore në vend. Siguria ushqimore është një çështje themelore e shëndetit publik. Produktet me origjinë të pasigurt, të përpunuara në kushte të dyshimta higjienike, përbëjnë rrezik të drejtpërdrejtë për konsumatorin.
Një ngjarje misterioze ka tronditur burgun ku po vuan dënimin ish-shefi i Policisë Rrugore të Tiranës, Roven Zerka. Burime konfidenciale për Maska.al bëjnë me dije se Zerka ka pësuar një dëmtim serioz—thyerje të këmbës—gjatë një ndeshjeje futbolli brenda ambienteve të burgut.
Por çfarë fshihet pas kësaj ngjarjeje? Ishte thjesht një aksident sportiv, apo kemi të bëjmë me një incident të qëllimshëm, ndoshta edhe të organizuar?Deri më tani, informacionet janë të pakta dhe konfuze. Nuk ka ende asnjë konfirmim zyrtar nëse dëmtimi ka ardhur nga një përplasje e fortë gjatë lojës, apo nëse ndonjë bashkëvuajtës “i kishte ndonjë borxh të vjetër”.
Ka përfunduar seanca gjyqësore në Apelin e Gjykatës së Posaçme për kryebashkiakun në detyrë të Tiranës, Erion Veliaj. Trupa gjykuese vendosi të lërë në fuqi masën e sigurisë “arrest me burg”, të dhënë më herët ndaj tij. Sa i përket kërkesës për zëvendësimin e masës me garanci pasurore, avokatët e Veliajt nuk ofruan një shumë të caktuar, duke ia lënë vendimmarrjen gjyqtares. Në përfundim, gjykata nuk pranoi ndryshimin e masës dhe vendimi për “arrest me burg” mbetet në fuqi.Veliaj ndodhet në paraburgimin e Durrësit që prej 10 shkurtit të këtij viti.
Policia Kufitare e Rinasit ka goditur një rast të mosdeklarimit në pikën e kalimit kufitar, të shumave të konsiderueshme të parave.
