Ermal Beqiri u shpërblye nga drejtësia me rreth 110 mijë euro, teksa bënte xhiro me avion dhe ishte në kërkim

Thursday, 30 July 2026 14:58

• Written by Mexhlis

Kryefjala e paradoksit shqiptar nuk ka nevojë për fjalë të shumta, sepse mjafton të ndjekësh lëvizjen e parave në thesarin e shtetit për të kuptuar se si drejtësia jonë fluturon në qiell me avionë të lehtë, ndërsa miliona euro të taksapaguesve zbarkojnë qetësisht në llogaritë e të kërkuarve ndërkombëtarisht. Ndërkohë që autoritetet franceze ndaluan në Normandi Ermal Beqirin një nga figurat kyçe të dosjes së AKSHI-t dhe ortakun e Ergys Agasit, i cili kishte hyrë me avion në hapësirën e ndaluar ajrore të një centrali bërthamor institucionet tona të drejtësisë duket se kanë zgjedhur një rrugë tjetër, shumë më fitimprurëse për të pandehurit.

Read more ...

Një sistem i tërë në shërbim të oligarkut: Si korruptoi Nadir Çausholli strukturat shëndetësore për t’u shitur barna pacientëve edhe kur nuk kishin asnjë nevojë

Thursday, 30 July 2026 14:41

• Written by Mexhlis

Në Republikën e ilaçeve në letër dhe të arkivoleve me para cash, ku shëndetësia falas ekziston vetëm në fjalimet pompoze të kryebashkiakut dhe në bilancet e klanit Veliaj, oligarku i oborrit Nadir Çausholli na fton sërish në shfaqjen e tij të radhës, teksa pronari i CFO Pharma ky titan i tenderave që ka ngritur perandorinë e tij mbi shpinën e pensionistëve që presin në radhë për një kokërr aspirinë nuk del në skenë për ndonjë "akt bamirësie", por për një tjetër kryevepër burokratike ku një raport i brendshëm i FSDKSH-së zbulon se si miliona euro të taksapaguesve janë avulluar nëpërmjet rimbursimeve fiktive.

Read more ...

Blendi Gonxhja për protestuesit: “Do t’ju marrim për veshësh a për leckash, do t’ju fusim në furgon!”

Thursday, 30 July 2026 13:47

• Written by Mexhlis

Blendi The Scarface i Republikës erdhi në skenë me një fjalor prej të fortit të lagjes kur ministri Blendi Gonxhja u zotua se kush guxon t’i kundërvihet Policisë së Shtetit do të merret “për veshësh a për leckash” dhe do të futet në furgon, duke e shndërruar foltoren zyrtare në një xhirim amator ku shteti luan rolin e një bosi droge. Nëse Tony Montana te filmi kult ndërtonte mitin e tij me armë në dorë për të sfiduar ligjin, ministri ynë bën të kundërtën e efektit zyrtar duke përdorur furgonin e policisë dhe zhargonin e rrugës për të mbrojtur rendin publik. Ironia therëse e kësaj shfaqjeje qëndron te fakti se, ndërsa pretendon se po vendos autoritetin e hekurt të institucioneve, ai e zhvesh pushtetin nga çdo solemnitet dhe dëshmon se kur pushteti kërkon të duket i ashpër, përfundon gjithmonë duke imituar kopjen më të lirë të një filmi gangsterësh.

Read more ...

Polici bashkiak i bie me grusht shefit

Thursday, 30 July 2026 11:49

• Written by Mexhlis

Në administratën shqiptare duket se transferimet nuk zgjidhen gjithmonë me firmë, por ndonjëherë edhe me grusht. Një punonjës i Policisë Bashkiake të Tiranës, 31-vjeçari Adi Hazizi, ka përfunduar në pranga pasi dyshohet se ka goditur shefin e Sektorit të Mbikëqyrjes së Territorit, Skënder Delija, brenda ambienteve të institucionit.

Sipas informacioneve paraprake, konflikti shpërtheu pasi Hazizi u njoftua për transferimin e tij në një sektor tjetër. Fillimisht pati debat verbal, por situata degradoi dhe dyshohet se punonjësi e goditi me grusht shefin.

Read more ...