Komisionerja për Zgjerimin e Bashkimit Europian, Marta Kos, e cilësoi 14 korrikun si një “Super të Martë” për procesin e zgjerimit të BE-së, duke theksuar se, për herë të parë në më shumë se dy dekada, po zhvillohen katër konferenca ndërqeveritare të anëtarësimit brenda së njëjtës ditë.
Grupi parlamentar i Partisë Demokratike ka depozituar një kallëzim në SPAK ndaj kryeministrit Edi Rama dhe ministrit të Ekonomisë, Kulturës dhe Inovacionit, Blendi Gonxhe, lidhur me financimin me 4.2 milionë euro të koncertit të Kanye West në Tiranë.
Edmond Sula, i njohur edhe si Ali Sula, është 50-vjeçari që mbeti i vrarë në një atentat të ndodhur pak pas mesnatës së 12-13 korrikut, në fshatin Bërxullë të Vorës. Sipas informacionit paraprak të Policisë, ngjarja u regjistrua rreth orës 00:10, ndërsa viktima ndodhej në rrugë dhe po lëvizte në këmbë. Një grup i posaçëm hetimor, nën drejtimin e Prokurorisë, nisi menjëherë punën për dokumentimin e ngjarjes dhe identifikimin e autorit ose autorëve.
Kuvendi i Shqipërisë është mbledhur këtë të hënë, më 13 korrik, në seancë plenare, ku deputetët do të shqyrtojnë një sërë projektrezolutash që lidhen me vlerësimin e veprimtarisë së institucioneve kryesore të vendit për vitin 2025. Ashtu si seancën e shkuar Partia Demokratike ka vendosur të mos marrë pjesë as në seancën plenare të nesërme të Kuvendit. Vendimi u është komunikuar deputetëve të grupit parlamentar përmes një njoftimi të brendshëm.
Shqipëria ka humbur gati një të katërtën e popullsisë që nga fillimi i viteve 2000, duke shënuar tkurrjen më të fortë mes vendeve europiane. Sipas të dhënave të Eurostat, më 1 janar 2026 Shqipëria numëronte rreth 2.34 milionë banorë, nga 3.06 milionë në vitin 2000 (Eurostat raporton shifrat e publikuara nga INSTAT).
