Lidhje

site logo site logo
Paraardhëse Tjetra
Lajm i Fundit
Editorial Analiza Pasazhe

Home Aktualitet Vendi


Arrestohen 14 persona në Tiranë, akuzohen për vepra të ndryshme penale

Tuesday, 12 December 2023 15:59

Policia ka vënë në pranga 14 persona të cilët akuzohen për vepra të ndryshme penale.

 

Të arrestuarit akuzohen për vjedhje, kanosje, dhunë në familje, trafik të lëndëve narkotike, thyerje të masë “Arrest në shtëpi” dhe drejtim të automjetit në gjendje të dehur.

 

NJOFTIMI I POLICISË:

 

Specialistët për Hetimin e Narkotikëve arrestuan shtetasin Ch. S., 22 vjeç, banues në Durrës, pasi gjatë kontrollit të automjetit që drejtonte, shërbimet e Policisë, i gjetën dhe sekuestruan, sasi lënde të dyshuar narkotike kokainë.

 

Specialistët për Hetimin e Krimeve të Komisariatit të Policisë Nr. 1 arrestuan shtetasin V. K., 30 vjeç, banues në Tiranë, pasi ka ushtruar dhunë ndaj bashkëjetueses së tij.

 

Gjithashtu, specialistët për Hetimin e Krimeve të Komisariatit të Policisë Nr. 1 ndaluan një shtetas 17 vjeç, banues në Tiranë, i cili ishte shpallur në kërkim për veprën penale “Vjedhja”.

 

Specialistët për Hetimin e Krimeve të Komisariatit të Policisë Nr. 2 arrestuan shtetasit:

 

– B. T., 39 vjeç, banues në Tiranë, duke qenë në gjendje të dehur, ka shkuar në një dyqan në rrugën “Ndre Mjeda”, dhe ka kanosur pronarin e dyqanit. Gjithashtu gjatë shoqërimit, ka kundërshtuar me dhunë punonjësit e Policisë.

 

– E. K., 32 vjeç, i cili ishte shpallur në kërkim për veprën penale “Dhuna në familje”.

 

Specialistët për Hetimin e Krimeve të Komisariatit të Policisë Nr. 3 arrestuan shtetasin F. M., 49 vjeç, banues në Tiranë, pasi ka ushtruar dhunë ndaj bashkëshortes së tij.

 

Specialistët për Hetimin e Krimeve të Komisariatit të Policisë Nr. 5 arrestuan shtetasin E. Z., 24 vjeç, banues në Kukës, pasi në bulevardin “Nënë Tereza”, ka kundërshtuar dhe nuk i është bindur urdhrit të punonjësit të Policisë së Rendit Publik, ndërsa gjatë kontrolllit fizik iu gjet dhe sekuestrua në cilësinë e provës materiale, sasi lënde e dyshuar narkotike e llojit kanabis.

 

Specialistët për Hetimin e Krimeve të Komisariatit të Policisë Nr. 6 arrestuan shtetasin M. Xh., 27 vjeç, si dhe po punojnë për kapjen e shtetasit M. Gj., 31 vjeç, të dy banues në Tiranë. Shërbimet e Policisë, në Kashar, kanë konstatuar automjetin me drejtues shtetasin M. Xh. dhe pasagjer shtetasin M. Gj. Pasi i kanë bërë shenjë ndalimi, drejtuesi i automjetit nuk është bindur urdhrit të tyre dhe është larguar. Pas verifikimeve të kryera ka rezultuar se shtetasi M. Gj. kishte thyer masën e sigurisë “Arrest në shtëpi”.

 

Specialistët e Qarkullimit Rrugor Krujë arrestuan shtetasin B. A., 37 vjeç, banues në Itali, pasi u kap duke drejtuar automjetin, në gjendje të dehur.

 

Specialistët e Komisariatit të Policisë Rrugore Tiranë arrestuan shtetasit:

 

– A. Gj., 27 vjeç, banues në Berat, E. C., 49 vjeç dhe G. K., 54 vjeç, L. F., 37 vjeç, banues në Tiranë, pasi u kapën duke drejtuar automjetet përkatëse, në gjendje të dehur.

 

– O . M., 46 vjeç, banues në Tiranë, pasi duke drejtuar automjetin në gjendje të dehur, në Rrugën e Elbasanit, është përplasur me dëme materiale me mjetin me drejtues shtetasin E. B., dhe si pasjë e goditjes, ky mjet është zhvendosur dhe ka goditur mjetin me drejtues shtetasin K. Xh.

 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

 

Burimi: Lapsi.al


SPAK i kërkon Kuvendit arrestimin e Berishës

Tuesday, 12 December 2023 15:54

Prokuroria e Posaçme Kundër Korrupsionit i ka dërguar kërkesë Kuvendit për ndryshimin e masës së sigurisë për ish-kryeministrin Sali Berisha.

 

Ndaj Berishës kërkohet një masë tjetër nga ajo e detyrimit me paraqitje, duke kërkuar masë më të ashpër arrestimin e tij.

 

Kërkesa pritet të shqyrtohet nga Komisioni i Mandateve.

 


Samiti në Bruksel/ Media greke: Greqia nuk jep pëlqimin për procesin e anëtarësimit të Shqipërisë në BE, nëse nuk ka progres në çështjen Beleri

Tuesday, 12 December 2023 15:51

Burime për median greke theksuan se qëndrimi i Greqisë është i qartë dhe i është shpjeguar palës shqiptare.

 

Greqia ka pranuar t’i dërgojë Tiranës letrën e Bashkimit Evropian për hapin e parë të hapjes së negociatave, me kusht që në fazën tjetër të procesit të ketë një lëvizje të qartë drejt rivendosjes së vullnetit politik të elektoratit të Himarës. Nuk është çështje pavarësie e gjyqësorit, por një vendim thjesht politiko-administrativ, theksuan të njëjtët agjentë diplomatikë, duke shtuar se pala greke nuk kërkon vendim gjyqësor dhe nuk ndërhyn, por ajo që kërkon është për kryetarin e zgjedhur të Himarës , t’i jepet leja për të bërë betimin dhe për të qenë në gjendje të ushtrojë të drejtat e tij politike.

 

Sot Këshilli i Çështjeve të Përgjithshme të BE-së , i cili po përgatit çështjet e Samitit të 14 dhe 15 dhjetorit, ku përfshihet edhe zgjerimi i BE-së, do të diskutojë edhe rrugën e anëtarësimit të vendeve të Ballkanit Perëndimor. Mundësia e shkëputjes së procesit të anëtarësimit të Shqipërisë nga ajo e Maqedonisë së Veriut mbetet ende e hapur.

 

Sipas draft-konkluzioneve të Samitit, liderët evropianë do të riafirmojnë angazhimin e tyre të plotë dhe të padiskutueshëm për perspektivën e anëtarësimit të Ballkanit Perëndimor në BE dhe do të bëjnë thirrje për përshpejtimin e procesit të anëtarësimit të tyre. Sipas këtij plani, negociatat me Bosnje-Hercegovinën do të fillojnë pasi të përmbushen mjaftueshëm kriteret.

 

Burimi: Lapsi.al


BSH: Turistët sollën 1.7 mld Euro të ardhura

Tuesday, 12 December 2023 15:05

Tregtia Ndërkombëtare e Shërbimeve u mbyll me një balancë pozitive gjatë 3 mujorit të tretë të këtij viti duke regjistruar rreth 1,3 miliardë Euro, e zgjeruar në terma vjetorë me rreth 55% sipas Bankës së Shqipërisë.

 

Turizmi zë një peshë kryesore pasi vëllimi i transaksioneve tregtare në shërbime u rrit me rreth 46% në terma vjetorë, ndikuar nga shërbimet e udhëtimit dhe ato të transportit, duke reflektuar rritjen e kërkesës turistike për këto shërbime.

 

Gjatë tremujorit të tretë 2023, eksporti i shërbimeve të udhëtimit i ka siguruar ekonomisë vendase rreth 1,7 miliardë Euro. Nga ana tjetër, udhëtarët rezidentë shqiptarë dhe të huaj kanë shpenzuar në udhëtimet e tyre jashtë vendit 776 milionë euro.

 

Shërbimet e udhëtimit gjenerojnë respektivisht 70% të flukseve valutore në hyrje dhe rreth 75% të shpenzimeve të kategorisë së shërbimeve.

 

Banka e Shqiperise nenvizon se shërbimet e udhëtimit u mbyllën me suficit prej 885 milionë euro, kundrejt atij prej 505 milionë Euro një vit më pare, duke shënuar rritje mjaft të madhe. Të ardhurat dhe shpenzimet nga shërbimet e udhëtimit u rritën në terma vjetorë respektivisht me rreth 56% dhe 40%. Kjo ecuri është sëbashku pasojë e rritjes së fluksit të udhëtarëve, ditë qëndrimit dhe shpenzimeve ditore nënvizon raporti më I fundit I Bankës së Shqipërisë.

 

Gjithashtu Banka e Shqipërisë thekson se të ardhurat dytësore u vlerësuan në 304 milionë Euro në fund të 3-mujorit të tretë. Më konkretisht rreth 77% e të ardhurave dytësore përfaqësohet nga remitancat ose të ardhurat nga emigrantët.

 

Sipas Bankës së Shqipërisë prurjet valutore të emigrantëve, shënuan rreth 233 milionë euro, me një rritje vjetore prej 8%. Gjithashtu gjatë periudhës së mësipërme është vërejtur rritje jo vetëm e kanaleve formale pra nëpërmjet sistemit bankar, por edhe e prurjeve në parave cash.

Klan News


Drejtonin mjetet në gjendje të dehur dhe shkaktuan aksidente, arrestohen 3 shoferë në Korçë

Monday, 11 December 2023 19:55

Policia ka vënë në pranga 3 drejtues mjetesh në Korçë, të cilët shkaktuan aksidente rrugore.

 

Ata janë konstatuar se drejtonin mjetet teksa ishin në gjendje të dehur

 

Njoftimi i policisë:

 

“Specialistët e Trafikut Urban dhe Interurban të DVP Korçë arrestuan në flagrancë shtetasit: Gj. Z., 59 vjeç, banues në Tiranë, pasi në fshatin Voskopojë, duke drejtuar automjetin, dyshohet se ka humbur kontrollin dhe automjeti i tij ka përplasur një automjet të parkuar, i cili është zhvendosur dhe ka përplasur një automjet tjetër të parkuar.

 

Pas verifikimit rezultoi se 59-vjeçari e drejtonte automjetin, në gjendje të dehur;       

 

-A. Sh., 57 vjeç, banues në Korçë, pasi në aksin rrugor “Korçë-Ersekë”, në afërsi të fshatit Drenovë, Korçë, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga, duke shkaktuar vetëm dëme materiale. Pas verifikimit rezultoi se 57-vjeçari e drejtonte automjetin, në gjendje të dehur;

 

-K. J., 36 vjeç, banues në Korçë, pasi në aksin rrugor “Korçë-Pogradec”, në afërsi të fshatit Biranj, Maliq, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga, duke shkaktuar vetëm dëme materiale.

 

Pas verifikimit rezultoi se 36-vjeçari e drejtonte automjetin, në gjendje të dehur”, njofton policia.

 

Gjithashtu janë arrestuar 2 shtetas që thyen masën e sigurisë “Arrest në shtëpi”. Njëri prej tyre është identifikuar si Edison Lumi.

 

“Specialistët për Hetimin e Krimeve të Komisariatit të Policisë Korçë arrestuan në flagrancë shtetasit:    E. L., 42 vjeç, banues në Korçë, pasi është konstatuar nga shërbimet e Policisë, në lagjen nr. 12, Korçë, duke thyer masën e sigurisë “Arrest në shtëpi”, të caktuar nga Gjykata e Korçës, për veprat penale “Prodhimi dhe shitja e narkotikëve”, “Përndjekja”, “Prodhimi, mbajtja, blerja apo shitja pa leje e armëve të ftohta”; S. T., 23 vjeç, banues në fshatin Bulgarec, Korçë, pasi është konstatuar nga shërbimet e Policisë, në lagjen nr. 3, Korçë, duke thyer masën e sigurisë “Arrest në shtëpi”, të caktuar nga Gjykata e Korçës, për veprat penale “Moskallëzimi i krimit” dhe “Largimi i të burgosurit nga vendi i qëndrimit”, thuhet në njoftimin e policisë.

 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

 

Burimi: Ora News

Back to top
XS
SM
MD
LG