Detaje të reja nga ngjarja në Fier/ 26-vjeçari e goditi me grusht, polici e qëlloi me pistoletë
Thursday, 28 December 2023 21:07
Janë mësuar detaje të reja nga ngjarja e kësaj mbrëmjeje në Fier, ku i plagosur mbeti një 26-vjeçar. Sipas informacioneve zyrtare, rreth orës 19:20, në vendin e quajtur “Ish-globi”, në qendër të këtij qyteti kanë qenë të stacionuara shërbimet e Policisë që kishin bllokuar një segment rrugor për zhvillimin e një koncerti.
Sipas policisë 26-vjeçari me iniciale D.B. duke drejtuar një automjet tip “Volkswagen” është afruar te punonjësit e Policisë dhe ka tentuar të futet në rrugën e bllokuar. Forcat e rendit thonë se punonjësit e policisë nuk e kanë lejuar të futet brenda perimetrit të sigurisë.
