Pesë arsye pse është e dyshimtë prangosja e Metës
Tuesday, 22 October 2024 12:30
𝐍𝐠𝐚 𝐀𝐧𝐝𝐢 𝐁𝐮𝐬𝐡𝐚𝐭𝐢
Ende pa i ditur të gjitha faktet dhe imtësitë me anë të të cilave SPAK do të justifikojë burgosjen brutale të një ish presidenti republike, egzistojnë të gjitha elementët për t’a konsideruar atë një prangosje politike, që e zhyt edhe më thellë Prokurorinë e Posaçme në të qenit një vegël qorre e rregjimit.
Së pari duhet theksuar se njësoj si të tjerët, Ilir Meta nuk po goditet si ish pushtetar, por si një nga liderët e opozitës. Nëse “heronjtë e fëmijëve tanë” do të ishin merakosur për korrupsionin e qeverive të shkuara, ata mund ta nisnin me qeverinë Nano që u dënua me votë për hajdutëri, dhe për frymën grabitqare të së cilës, Edi Rama ka kërkuar falje publikisht në emër të socialistëve.
