Tradicionalizmi në epokën e onlyfans dhe "erozioni" psiko/moral.

Wednesday, 27 September 2023 22:20

• Written by Alban Gorishti

Nga: Alban Gorishti

Jetojmë në një kohë në të cilën marrëdhëniet e shëndetshme të dashurisë dhe shpërbërja e tyre e shpejtë tashmë janë pozicionuar përbri paragjykimeve, dhunës dhe konflikteve ndërkombëtare si një “problem social” i denjë për t’u hetuar. Po ashtu jetojmë në një kohë në të cilën të ardhurat botërore nga pornografia janë më shumë se 97 miliardë dollarë (vjetor), pra më tepër sesa të ardhurat e Microsoft, Google, Amazon, eBay, Yahoo, Apple dhe Netflix të mara së bashku. Jetojmë në një kohë në të cilën platformat virtuale , si onlyfans, po tjetërsojnë edhe rolet më të spikatura të shoqërisë. Gra dhe vajza me profesione, si juriste, infermiere, apo të tjera që ndoshta e kanë kryer shkollën e lartë, preferojnë të ndërmarrin rrugën e fitimit të shpejtë duke u zhveshur nga çdo tradicionalizëm (etikë), i cili me të mirat dhe të këqijat e veta e ka mbajtur të lidhur gjininë njerëzore që nga epokat e lashta deri në ditët e sotme.

Fatkeqësisht ajo që shikoj në perëndim është një tendencë në rritje e këtij fenomeni, por duhet pranuar se vende si ai i yni me një përqindje akoma të lartë të tradicionalizmit , nuk janë prekur masivisht nga konsumimi aktiv i këtij fenomeni më tepër sesa ai pasiv. Por, duke parë edhe trendin në rritje në vende fqinje si Italia, vende në të cilat kjo platformë po shënon një reklamim të konisderueshëm madje edhe në mesin e moshave të reja të femrave, duhet të tregohemi vigjilent dhe kurajoz, të hapur dhe të qartë në implementimin e politikave sociale të cilat na ndihmojnë të parandalojmë fenomene të tilla.

Read more ...

Përgëzohu, Zoti yt të do ndaj të sprovon

Monday, 25 September 2023 21:56

• Written by Alban Gorishti

Nga: Alban Gorishti

Pranimi i mëkateve dhe të metave është rruga që të shpie drejt pendimit dhe kthimit tek Allahu i Madhëruar. Ndërsa rruga drejt Tij të shpie në realizimin praktik të arsyeve se përse Ai na ka krijuar dhe na sprovon.Ibn Kajmi thotë:Fillimi i ditës krahasohet me rininë e njeriut ndërsa fundi i saj me pleqërinë e tij. Atij që i kalon rinia duke u marrë me diçka e gjen pleqëria po me të, ndaj ashtu si fillon dita ashtu edhe përfundon ” Miftah darus-seadeh”. Të gjithëve na ka ndodhur ti bërtasim apo “sprovojmë” fëmijën tonë apo e kundërta, prindërit tanë të na “sprovojnë” neve duke na dënuar për një gabim, dënim që shpesh ka përfshirë edhe masa të ashpra. Por a ia keni bërë pyetjen vetes tuaj,a më ka dashur prindi im kur më ka dënuar? Përgjigja e kësaj pyetjeje ka për të qënë njëlloj edhe kur të godasin sprovat dhe të kaplon pluhuri i tyre . Po po,Zoti yt të do prandaj dëshiron ta heqi peshën e gabimit prej shpatullave të tua dhe prej peshores tënde (të punëve).Ai dëshiron të të mësojë ndaj të dërgon sprova, dëshiron të të lumturojë në të dy botët ndaj të ngushton me dhembje trupore dhe shpirtërore, dëshiron të të pastrojë ndaj e zgjat efektin e sprovës. Për këtë nga historia profetike na tregohet se një burrë takoi në rrugë një grua që kishte qënë e përdalë në kohën e injorancës para ardhjes së Islamit dhe filoi të argëtohej me të deri sa zgjati dorën drejt saj dhe ajo i tha: “Mos , Allahu na e largoi shirkun (injorancën) dhe na solli Islamin.” Burri u kthye por u përplas me fytyrë pas murit dhe u plagos.Më pas ai shkoi te profeti alejhi selam dhe i tregoi se çfarë kishte ndodhur. Profeti alejhi selam i tha : “Ti je një njeri që Allahu të do të mirën.Kur Alahu i do të mirën një njeriu, ia shpejton dënimin e gabimit të tij që në këtë botë dhe kur nuk ia do të mirën,ia ruan gjynahun që tia japi dëmin e tij ditën e kiametit si të ishte një mal” Ahmedi 4/87 ,Ibn HIban 2911 . Thotë ibn Kajmi ne el Vabilu es-sajib: Larg të metave është Ai që e bëri fjalën e Tij shërim për sëmundjet e kraharorit, thirrëse për tek besimi dhe të vërtetat e Tij, fituese drejt jetës së pertejshme dhe kënaqësive të pashërueshme, dhe treguese te rrugës së udhëzimit. Thirrësi për në besim do ti bënte njerëzit të degjonin nëse rastis veshë që kuptojnë, këshillat e Kuranit do të jepnin shërim nëse hasin në zemra të dëlira, por mbi zemrat e njerezve kanë fryrë furtunat e epshit dhe dëshirave, të cilat fikin kandilat e tyre. ” fq 114

Të mbështeturit tek hyjnorja midis ideologjive imponuese dhe besimit edukues

Monday, 25 September 2023 21:45

• Written by Alban Gorishti

Nga: Alban Gorishti

Sipas të dhënave historike kur ra Berlini gruaja e Gebelsit vrau veten bashkë me fëmijët e saj të vegjël sepse nuk i mendonte të jetonin në një botë që s’kishte nacional socializëm pra nazizëm ndërsa shërbëtorja e vajzës së faraonit u hodh në zjarr nga Faraoni bashkë me fëmijët e saj dhe Allahu e përforcoi atë në fund duke i dhënë gojë fëmijës që kishte akoma në gji, ai i tha asaj: Duro o nënë se ti je në të vërtetën.

Vërtet prindi i udhëzon apo i humbet fëmijët. Sa shumë ndryshojnë rrethanat, parimet janë të njëjtat (prindërimi) por përfundimet të ndryshme . “Unë jam si prindi që ju mëson “-thoshte pejgamberi,ndërsa njërit prej shokëve të vet do ti thoshte: Ti nuk je i lirë përkundrazi tek Allahu je i shtrenjtë “.

Read more ...

“Unë” jam “burimi” i mirësive të tua

Thursday, 27 October 2022 14:35

• Written by Alban Gorishti

Nuk ka dyshim se paragjykimi është manipuluesi i madh i identiteteve dhe largues i të mirës prej marrëdhënieve ndërnjerëzore. Para disa kohësh mu bë një padrejtësi e madhe cila e ndikoi mjaft në jetën time, padrejtësi që tek e fundit nuk është më e vogël sesa padrejtësitë që i janë bërë dhe i bëhet këtij populli vazhdimisht, as më e vogël por as më e madhe sesa të të marrin tokën dhe t’ia japin dikujt tjetër, por as më e madhe apo më e vogël sesa të përfundosh në burg me muaj për një vjedhje të rëndomtë të një artikulli ushqimor (çokollatë), por as më e vogël sesa të humbasësh një gjyq në dëmin tënd për një krim që ti nuk e ke bërë. 

Read more ...