Një krim i rëndë ka ndodhur mëngjesin e së enjtes në një azil pleqsh në Tiranë.
Policia tha se një 78-vjeçar, banues në një azil privat për të moshuarit ka vrarë me bastun (shkop hekuri) shokun e tij të dhomës.
Sherri mes dy shokëve në Tik Tok ka vazhduar me përplasjen e baballarëve të tyre ballë për ballë.Ngjarja e rëndë në Kosovë, la pas një viktimë, Agim Xanin 57-vjeç dhe të plagosur me thikë djalin e tij 15-vjeç. Autorë të kësaj ngjarje të rëndë janë Skender Krasniqi dhe i biri i tij, Taulant Krasniqi, të cilët janë arrestuar nga policia.
Filli i gjithë kësaj ngjarje të rëndë ishte një përplasje mes fëmijëve në Tik Tok një ditë më parë, për shkak të një video. Pas përplasjes në rrjetin social, adoleshentët janë përballur me njëri-tjetrin, edhe në prani të prindërve, të cilët edhe ata u bënë pjesë e sherrit.
4 persona kanë humbur jetën këtë vit në Shtetet e Bashkuara pasi u infektuan me një virus të ardhur prej minjve. Quhet Hantavirus dhe sipas studiuesve vret 38% të pacientëve. Në SHBA numërohen rreth 30 raste në vit, por në disa shtete të caktuara gjendja raportohet më shqetësuese.Është vënë re një rritje e rasteve nga viti 2026, e po ashtu i vdekjeve. Ka spekulime se në përhapjen e këtij virusi të rrallë ka ndikuar edhe vala e të nxehtit. Ndryshimet klimatike ekstreme i bëjnë speciet që janë shpesh ‘bartëse’ sëmundjesh të lëvizin më shumë. Ajo që është më e çuditshme është se minjtë e shpërndajnë këtë virus, por nuk vuajnë asnjë simptomë.
Me rritjen e temperaturave është shtuar ndjeshëm numri i personave te prekur nga sëmundjet infektive dhe gastroenteriteve dhe helmimet nga ushqimet.Sipas Mjekes infeksioniste në spitalin e Lushnjës, Klodiana Pirja, ditët e fundit ka një fluks të shtuar ku numri i atyre që kërkojnë ndihmë pranë spitalit arrin 100 raste.
“Por ajo që është më shqetësuese në këtë sezon është shfaqja e një virusi që është konfirmuar dhe nga ISHP, i cili quhet PARVO virus. Mjekja thotë që nuk është i rrezikshëm, por duhet trajtuar pasi është një virus ngjitës dhe për këtë apelon që të bëjnë kujdes në ambientet e përbashkëta”, tha Klodiana Pirja.
