Autoritetet shëndetësore në Rripin e Gazës kanë njoftuar se numri i palestinezëve të vrarë nga sulmet izraelite në enklavën e rrethuar është arritur në të paktën 19.453.
Zëdhënësi i Ministrisë së Shëndetësisë në Gaza, Ashraf al-Qudra, në një konferencë për media tha se 52.286 persona të tjerë janë plagosur gjithashtu në ofensivën izraelite.
Presidenti turk, Recep Tayyip Erdoğan, ka deklaruar se komuniteti ndërkombëtar ka përgjegjësinë kryesore për t’i dërguar një mesazh të qartë Izraelit dhe për t’i dhënë fund “masakrës” së vazhdueshme në Gaza.
Në konferencën e përbashkët për media në Budapest me kryeministrin hungarez, Viktor Orban, presidenti Erdoğan tha se që nga fillimi Türkiye ka bërë përpjekje intensive diplomatike për një armëpushim urgjent në Gaza dhe për të parandaluar përhapjen e konfliktit.
Erdoğan theksoi se Türkiye po punon për ndërprerjen e menjëhershme të “brutalitetit izraelit” në Gaza.
Sulmet ajrore dhe tokësore të Izraelit në Rripin e Gazës që nga sulmi ndërkufitar i 7 tetorit nga Hamasi, kanë vrarë të paktën 19.453 palestinezë, kryesisht gra dhe fëmijë.
Lufta e ka lënë Gazën në gërmadha me gjysmën e banesave të territorit bregdetare të dëmtuara ose të shkatërruara dhe me pothuajse 2 milionë njerëz të zhvendosur brenda enklavës me popullsi të dendur mes mungesës së ushqimit dhe ujit të pastër.
Türkiye dhe Hungaria ngritin marrëdhëniet dypalëshe në partneritetin strategjik të zgjeruar
Gjatë vizitës së delegacionit turk në Budapest, të kryesuar nga presidenti Erdoğan, dy vendet nënshkruan një marrëveshje bashkëpunimi prej 17 nenesh për të ngritur marrëdhëniet në nivelin e partneritetit strategjik të zgjeruar.
Presidenti Erdoğan tha se Türkiye dhe Hungaria i kanë ngritur marrëdhëniet e tyre dypalëshe nga një partneritet strategjik në një partneritet strategjik të zgjeruar.
“Me deklaratën e përbashkët politike të nënshkruar me Orban-in, ne i kemi ngritur marrëdhëniet tona dypalëshe nga një partneritet strategjik në një partneritet strategjik të zgjeruar”, tha Erdoğan.
Siç theksoi ai, dy vendet planifikojnë të rrisin tregtinë dhe investimet e tyre duke organizuar në muajt e ardhshëm në Türkiye takimin e parë të Komitetit të Përbashkët Ekonomiko-Tregtar.
“Türkiye dhe Hungaria synojnë të forcojnë më tej lidhjet në fusha të tilla si industria e mbrojtjes dhe energjia, ku tashmë kemi bashkëpunime produktive”, tha Erdoğan.
Presidenti turk njoftoi se me kryeministrin hungarez diskutuan çështjet e fundit, përfshirë marrëdhëniet midis Türkiyes dhe Bashkimit Evropian (BE), si dhe zhvillimet në Ukrainë dhe Gaza.
“Jam i kënaqur me Hungarinë, e cila do të marrë presidencën e BE-së në gjysmën e dytë të vitit 2024, duke theksuar fuqishëm mbështetjen e saj për anëtarësimin tonë të plotë në BE”, tha presidenti Erdoğan.
Duke iu referuar bisedimeve të paqes në Istanbul mes Ukrainës dhe Rusisë në vitin 2022, Erdoğan tha se Türkiye është e gatshme të ringjallë procesin e Istanbulit nëse ka një kërkesë nga palët.
Orban vlerëson Türkiyen si komb të vetëm për arritjen e rezultateve në luftën Rusi-Ukrainë përmes marrëveshjes së drithërave
Kryeministri Orban, nga ana tjetër, tha se Türkiye është i vetmi vend që ka arritur rezultate në përpjekjet në lidhje me luftën Rusi-Ukrainë përmes marrëveshjes së drithërave që ndihmoi në ndërmjetësim vitin e kaluar.
Ai foli edhe për marrëdhëniet midis Hungarisë dhe Türkiyes.
“Ne kemi avancuar marrëdhëniet Türkiye-Hungari në nivelin e partneritetit strategjik të zgjeruar. Nuk e di nëse ka diçka përtej kësaj në aspektin diplomatik. Besoj se kjo është më e forta në aspektin e miqësisë dhe vëllazërisë”, tha Orban.
Orban gjithashtu theksoi se Hungaria pa Türkiyen nuk ka siguri. Duke theksuar rëndësinë e marrëdhënieve dypalëshe, ai tha se Erdoğan paraqiti një projekt monumental për shekullin e ardhshëm.
“Shekulli i ardhshëm do të jetë i juaji (Türkiyes). Ne besojmë në këtë dhe kemi bërë marrëveshje”, tha Orban.
Burimi: AA
Në secilën paraqitje kur flet presidenti serb, Aleksandër Vuçiç shprehet i rezervuar për zbatimin e marrëveshjeve të Brukselit, për normalizimin e marrëdhënieve me Kosovën.
Deputeti gjerman, Thomas Hacker thotë se duhet të pritet pas zgjedhjeve nëse Vuçiç e ka seriozisht se nuk do t’i respektojë marrëveshjet e dala nga dialogu.
Hacker, konsideron se vetëm përmes një dialogu të sinqerte mund të ketë siguri në rajonin e Ballkanit Perëndimor.
“Me të vërtetë situata e sigurisë vazhdon të jetë e ndjeshme në rajonin e Ballkanit Perëndimor. Ajo çfarë ndodhi në Banjska ishte shumë e rrezikshme kur u sulmua policia e Kosovës, pati edhe të vdekur në mesin e tyre. Këto ngjarje duhet të evitohen në të ardhmen dhe komuniteti ndërkombëtar duhet të bëjë më shumë për sigurinë e rajonit. Vetëm pak ditë më parë gjatë fushatës elektorale, presidenti serb, Aleksandër Vuçiç tha se nuk e do e respektojë marrëveshjen me Kosovën, nuk e di nëse ai tha këtë për qëllime politike apo me të vërtetë ky është qëndrimi i tij. Megjithatë duhet të presim edhe pak dhe të shohim se çfarë vendime do të marrë ai”, ka thënë deputeti gjerman.
Politikani gjerman, thotë se historia e Gjermanisë mund të shërbejë si shembull i mirë për Kosovën si dhe për Serbinë.
Tutje, deputeti nga Freedom Democratic Party, konsideron se ka ardhur koha që t’i hiqen masat ndëshkuese Kosovës.
“Nëse Kosova dhe Serbia e kanë ndërmend që një ditë të bëhen pjesë e familjes evropiane, atëherë duhet ta dinë se kjo arrihet vetëm përmes komunikimit dhe normalizimit të marrëdhënieve. Rasti i Gjermanisë është një shembull i mirë, ishte një vend i ndarë në dy shtete dhe morri shumë kohë derisa filluam të kishim një komunikim normal, por ne në fund u bashkuam sërish. Të dyja shtetet duhet të jenë ta barabarta dhe të punojnë sa më shumë për tu anëtarësuar në Bashkimin Evropian. Shpresoj që së shpejti do të largohen edhe masat ndëshkuese për Kosovën sepse me të vërtetë nuk kanë më kuptim, dhe të fillohet me zbatimin e planit franko-gjerman”, është shprehur ai për Tëvë1
Nga Bashkimi Evropian e kanë përsëritur edhe njëherë se Marrëveshja dhe aneksi i Ohrit janë ligjërisht obliguese për Kosovën edhe Serbinë.
Presidenti i Serbisë, Aleksandër Vuçiç ka refuzuar të nënshkruajë marrëveshjen në Ohër, dhe ka deklaruar se Serbia ka vija të kuqe për disa nga pikat e marrëveshjes.
Burimi: Ora News
Rama mesazh për Mitsotakis: Ne nuk bëjmë negociatë për çështjet që kanë të bëjnë me drejtësinë
Rama: Ju e dini që nuk janë vetëm këto arsyet e mosanëtarësimit, por që cilado qoftë arsyeja duhet të dini se ne nuk bëjmë asnjë negociatë për çështjet që kanë të bëjnë me drejtësinë. Unë jam i bindur se ne me fqinjët tanë do të vendosim një arsye madhore mbi këtë cështje, por që ne nuk ia heqim rëndësinë për ta. Ne jemi disponibël për cdo gjë që nuk prek konsolidimin e sistemin e drejtësisë. Jo se ne nuk duam, por se drejtësia jonë është më kokëfortë se ne për të qenë e konsoliduar.
Burimi: Lapsi.al
Deklarata e gazetarit izraelit, Shimon Riklin se ai mbështet krimet e luftës së vendit të tij në Gaza tërhoqi reagime të shumta.
Duke folur në programin e transmetuar drejtpërdrejt në televizionin izraelit "Channel 14", gazetari izraelit Riklin tha: "Nuk mund të fle nëse nuk shoh shtëpi të shkatërruara në Gaza".
Riklin, i cili bëri deklarata që tërhoqën reagimin e komunitetit ndërkombëtar, tha: "Unë përkrah krimet e luftës" dhe se nuk i interesojnë kritikat ndaj tij.
Ai theksoi se ai dëshiron që ushtria izraelite të shkatërrojë më shumë shtëpi dhe ndërtesa në Gaza dhe se banorët e Gazës mos të kenë ku të shkojnë kur të kthehen.
Duke cituar Torën, Riklin pretendon se me palestinezët kurrë nuk mund të arrihet marrëveshje.
Burimi: AA
