Lajmi i ditës që ish-kryebashkiaku i Nju Jorkut, Eric Adams, ka marrë shtetësinë shqiptare mund të duket në pamje të parë si një episod ceremonial, një gjest simbolik në shenjë falënderimi për mbështetjen e dhënë shqiptarëve në qytetin më të madh të Amerikës. Mund të duket edhe si mënyra tashmë e zakonshme sesi kryeministri Edi Rama i ndërton marrëdhëniet personale të politkës së jashme të Shqipërisë.