Komisioneri Shtetëror i Zgjedhjeve, Ilirjan Celibashi, zhvilloi sot një takim zyrtar me Drejtuesin e Strukturës së Posaçme Kundër Korrupsionit dhe Krimit të Organizuar (SPAK), Altin Dumani, për të diskutuar mbi forcimin e mekanizmave institucionale në funksion të parandalimit dhe ndjekjes së krimeve zgjedhore.
Sekretari i Përgjithshëm i NATO-s, Mark Rutte ka deklaruar se nëse presidenti rus, Vladimir Putin do të sulmonte NATO-n, reagimi i aleancës do të ishte "shkatërrues". Duke folur në një konferencë për media para takimit të ministrave të Mbrojtjes në selinë e NATO-s në Bruksel, shefi i NATO-s tha se çështja e shpenzimeve të mbrojtjes do të jetë në krye të takimit. "Ne kemi plane të forta për t'i mbajtur 1 miliard njerëzit tanë të sigurt në një botë më të rrezikshme", tha Rutte, duke shtuar se tani po punohet për të rënë dakord për qëllimet e reja ambicioze të mbrojtjes për aleatët e NATO-s.
Prokuroria e Posaçme ka reaguar në lidhje me arrestimin e kryebashkiakut të Tiranës, Erion Veliaj. Përmes një njoftimi zyrtar për media, SPAK bën me dije se Veliaj akuzohet për dy vepra penale, atë të “Korrupsionit pasiv” dhe “Pastrimit të parave”. Po ashtu, një masë sigurie “Arrest në shtëpi” është vendosur edhe për bashkëshorten e Veliaj, Ajola Xoxën. Sipas SPAK ajo akuzohet për korrupsion, pastrim parash dhe fshehje pasurie.
Presidenti i Turqisë, Recep Tayyip Erdoğan, ka deklaruar se asnjë fuqi nuk mund t’i detyrojë banorët e Gazës të largohen nga "atdheu i tyre i përjetshëm", pasi Gaza, Bregu Perëndimor dhe Kudsi Lindor u përkasin palestinezëve. "Askush nuk ka fuqinë t'i largojë banorët e Gazës nga atdheu i tyre i përjetshëm, i cili ka ekzistuar për mijëra vjet. Palestina, përfshirë Gazën, Bregun Perëndimor dhe Kudsin Lindor, u përket palestinezëve" u tha Erdoğan gazetarëve në Istanbul para se të nisej për në Malajzi.
