Të "shfajësosh" çetën personale të hajdutëve me "përralla" nga e kaluara/Rama e gjen origjinën e hajdutëve të tij në perandorinë otomane

Tuesday, 07 May 2024 17:03

• Written by Lapsi.al

U bënë shumë kohë që Edi Rama jeton me një ankth: si të vazhdojë të mbajë predikime publike ndërkohë që në çetën e vet zbulohen hajdutët njëri pas tjetrit. Si mund të justifikohet kur përditë flitet për 130 milionë eurot e një inceneratori që nuk i gjenden as gjurmët, për koncesionet në shëndetësi, protagonistët e të cilëve kanë përfunduar në burg, apo për një skandal si ai i 5D, ku fondet e buxhetit të bashkisë, derdheshin në arkën e kompanisë private të drejtuesve të saj.

Në fjalimin më të gjatë të karierës së tij, në mbi 2 orë, ai është rekur të ngrejë një alibi. Teza e tij është se sot po vidhet ngaqë ky është një vend historikisht i korruptuar, që hajdutësinë e ka të tarashëguar. Në monologun alla Fidel Kastro (ndonëse ky i fundit mund të tronditet në varr për këtë krahasim), ku një herë sillej si kampion i luftës kundër korrupsionit dhe herën tejetër si lektor seminaresh për historikun e tij, kryeministri i kërkoi shekuj më parë, rrënjët e sëmundjes që po vret pushtetin e tij.

Read more ...

Rikthehen kooperativat në Fier/ 15 familje kanë bashkuar tokat e braktisura, tani një burim i sigurt të ardhurash

Monday, 06 May 2024 11:11

• Written by topchannel

Në fshatin e Baltëz në Fier, një bashkësi prej rreth 15 familjeve të komunitetit rom ka ndërmarrë një hap të rëndësishëm për zhvillimin e bujqësisë. Prej katër vitesh, këto familje kanë filluar të bashkojnë sipërfaqet e tyre të tokave bujqësore për të formuar mini-kooperative. Iniciativa u nxit nga nevoja për të rikthyer në përdorim tokat e braktisura, pasi shumë prej tyre kishin emigruar bashkë me fëmijët e tyre dhe kishin lënë djerr tokën bujqësore.

Përfaqësuesi i komunitetit rom në Baltëz, Eduard Koci, shprehet se bashkimi i forcave ka qënë jetik për të gjallëruar përsëri bujqësinë lokale. Sipas tij, kjo iniciativë ka lejuar familjet të kthehen në jetën bujqësore dhe të krijojnë një burim të qëndrueshëm të ardhurash. Aktualisht, këto familje menaxhojnë rreth 15.5 hektarë tokë, të mbjella me kultura të ndryshme drithërash si misri, gruri dhe fasulet. 

Read more ...

Vrasja e dy të moshuarve në Dropull të Gjirokastrës, policia zbardh krimin makabër

Sunday, 05 May 2024 14:16

• Written by Lapsi.al

69-vjeçari Thoma Mastora është identifikuar si autor i vrasjes së dyfishtë të çiftit të të moshuarve Ilia nga fshati Bodrishtë në Dropull të Gjirokastrës. Ndonëse kishte një alibi të fortë kanë qenë ekzaminimet daktiloskopike dhe biologjike ato që kanë zbuluar veprimet e autorit.

69-vjeçari që kishte lidhje të ngushta prej vitesh me dy të moshuarit ka qenë i fundit person që i ka takuar. Ngjarja e rëndë dyshohet të ketë ndodhur në orët e vona të drekës ose të pasdites së 30 prillit. Autori ka shkuar në banesën e të moshuarve si përherë për të pirë edhe kafen e ditës me ta. Gota e rakisë që ishte në tavolinën e ndodhur në oborrin e shtëpisë, ku u gjend i pajetë edhe 84-vjeçari Kosta Ilia, është një ndër gjurmët që çuan në identifikimin e autorit.

Read more ...

Sot 'dita pa makina’, qarkullimi i automjeteve me orar të kufizuar

Sunday, 05 May 2024 00:29

• Written by Lapsi. al

E diela do të jetë një “ditë pa makina” për kryeqytetarët. Kështu, qarkullimi i automjeteve do të kufizohet nga ora 06: 00 deri në orën 17:00 në disa nga segmentet kryesore në kryeqytet, ndërsa është hartuar një plan i lëvizjes për mjetet e emergjencës dhe atyre të Policisë së Shtetit.

Read more ...