UNICEF denoncon sulmin ajror izraelit ku u vranë binjakët e porsalindur
Fondi i Kombeve të Bashkuara për Fëmijët (UNICEF) nënvizoi numrin e familjeve në Gaza nga lufta e Izraelit të enjten, duke përshkruar një sulm ajror të fundit izraelit që vrau binjakët katër-ditorë dhe nënën e tyre si “zemërthyese”.
Talibanët festojnë tre vjetorin e rikthimit në pushtet
Talebanët kanë festuar në Afganistan tre vitet në pushtet me një paradë ushtarake, duke i bërë homazhe bombave të saj të bëra vetë, avionëve luftarakë dhe forcave të sigurisë.Forcat e armatosura të talebanëve tërhoqën tanke dhe artileri të epokës sovjetike përmes Bagramit, ish-bazës ajrore të Shteteve të Bashkuara, ku diplomatët kinezë dhe iranianë ishin mes qindrave që u mblodhën për paradën dhe fjalimet e rastit, të mërkurën. Kjo qendër ajrore shërbeu në të kaluarën si bazë për operacionet e udhëhequra nga SHBA kundër talebanëve për dy dekada.
Presidenti bullgar nënshkruan ligjin që ndalon “promovimin” e LGBT në shkolla
Presidenti bullgar, Rumen Radev, e ka shndërruar në ligj amendamentin e miratuar së fundi ndalimin e “promovimit” të LGBT-së në shkolla, pavarësisht thirrjeve nga intelektualët bullgarë që të vendosë veto. Grupet e të drejtave të njeriut, ndërkaq, paralajmëruan protestë kundër kësaj mase më 15 gusht.
Ligji, që ndalon “propagandën, promovimin apo nxitjen” në sistemin arsimor të “ideve dhe qëndrimeve që lidhen me orientimin seksual jotradicional apo për identitetin gjinor të ndryshëm nga ai biologjik”, do të publikohet më 16 gusht në Gazetën Zyrtare të Bullgarisë.
Rusia vazhdon evakuimin e banorëve nga rajoni i Kurskut
Zyrtarët në rajonin Kursk të Rusisë kanë urdhëruar të enjten evakuimin e detyrueshëm të banorëve nga i gjithë qarku i Glushkovit.
Guvernatori i rajonit të Kurskut, Aleksei Smirnov, u bëri thirrje të enjten banorëve të qarkut ta “kuptojnë gjendjen e tanishme dhe t’i ndjekin të gjitha udhëzimet e agjencive të sigurisë dhe të autoriteteve vendore”.Të mërkurën, autoritetet në Ukrainë shprehën shqetësim për situatën humanitare në rajonin e Kurskut dhe njoftuan gatishmërinë e tyre për t’i ndihmuar rusët e zhvendosur, përfshirë ata të cilët duan të shpërngulen në Ukrainë.
Urdhërarresti i parë lidhur me atentatin ndaj Nord Stream
Zëdhënësi i qeverisë gjermane, Wolfgang Büchner theksoi të mërkurën, se rezultatet e deritanishme të hetimeve lidhur me atentatin kundër Nord Stream nuk ndryshojnë ndihmën që Gjermania i jep Ukrainës. Kjo nuk ndryshon "asgjë në faktin që Rusia nisi një luftë në shkelje të së drejtës ndërkombëtare kundër Ukrainës", tha Büchner.
Gati dy vjet pas atentateve me lëndë shpërthyese kundër gazsjellësit Nord Stream në Detin Baltik, Prokurori i Përgjithshëm Gjerman, Jens Rommel ka lëshuar urdhërarrestin e parë kundër një personi të dyshuar. Sipas informacionene të televizionit ARD, gazetës "Süddeutsche Zeitung", SZ dhe Die Zeit bëhet fjalë për një ukrainas me emrin Volodymyr Z., që së fundmi ka qëndruar në Poloni. Edhe dy nënshtetas të tjerë ukrainas, mes tyre një femër, janë në mesin e të dyshuarve.